朱凌凌---.jpg香港五人Hip Hop/Rap組合朱凌凌，造型古怪有趣，搞笑加憤怒加騎呢，是條新路。此組合不斷有話題，又被英皇簽了，大眾對他們有期待。

朱凌凌有唱粗口，歌的內容多數針對時弊，包括人生、搵錢為乜、愛的付出、改變世界等等，有理想，有正義感。他們同時又衰衰格格、鹹鹹濕濕、騎騎呢呢。

你會說：有齊憤怒、惡、鬧、鹹濕、騎呢、搞笑，一定通殺啦。掂梗。

卻不然。

朱凌凌各方面的配合，唔係好o岩數。當認真與不正經同時存在時，會得出甚麼效果？當憤怒與騎呢並存，又會給人甚麼感覺？當他們騎騎呢呢講下鹹濕路之餘又講革命、講齊家治國平天下，又怎能有強力的效果呢？我在疑問：朱凌凌，你講真定講笑先？

一是認真、憤怒到底，如LMF。一是騎呢鹹濕貫轍，如艾粒。不要兩溝。行不通的。